ریونیو دا تخمینہ 2398 ملین، اخراجات دا تخمینہ 2199ملین روپے
سکردو ۔ 25 اکتوبر (اے پی پی) وزیر اعظم شاہد خاقان عباسی دی صدارت اچ گلگت بلتستان کونسل دے اجلاس اچ مالی سال 2017-18ءدے تقریباً2.4ارب روپے حجم دے بجٹ دی منظوری ڈے ڈتی گی۔ وزیر اعظم جیرھے گلگت بلتستان کونسل دے چیئرمین وی ہن، انہاں اجلاس دی صدارت کیتی ۔ اجلاس دے دوران گلگت بلتستان دے تقریباً 2.4ارب روپے دے بجٹ دی منظوری ڈتی گی ۔گلگت بلتستان کونسل دے نویں مالی سال اچ ریونیو داتخمینہ 2ہزار 398 ملین روپے جڈاں جو اخراجات داتخمینہ 2ہزار 199 ملین روپے ہے۔کونسل دے نویں میزانیئے اچ ترقیاتی بجٹ 1474ملین اتے غیر ترقیاتی بجٹ 725ملین روپے ہن۔ اجلاس اچ گلگت بلتستان کونسل دے وائس چیئرمین اتے گورنر میر غضنفر علی خان وزیر اعلیٰ گلگت بلتستان حفیط الرحمن، گلگت بلتستان کونسل دے ارکان تے وفاقی وزیر امور کشمیر و گلگت بلتستان چوہدری برجیس طاہر شرکت کیتی۔
