اسلام آباد ۔ 06 اکتوبر (اے پی پی) وزیراعظم شاہد خاقان عباسی آکھیا جو چینی سفیر عوامی سطح تے رابطیاں کوں ودھاونڑ اتے تجارت،معیشت،ثقافت ،تعلیم سمیت مختلف شعبیاں اچ اشتراک بارے نشابر خدمات نبھائن،ہلال پاکستان چینی سفیر دی غیر معمولی کارکردگی دا اعتراف اے۔انہاں اے گالھ جمعہ کوں اتھاں چین دے سبکدوش تھیونڑ آلے سفیر سن وائی ڈونگ نال ملاقات اچ گالھ مہاڑ کریندیں ہوئیں آکھی۔ سن وائی ڈونگ کو ں”ہلال پاکستان“ ڈیونڑ دا حوالہ ڈیندیں ہوئیں وزیراعظم آکھیا جو اے ہک بہوں باوقار اعزاز اے اتے سفیر دی غیر معمولی کارکردگی دا اعتراف اے۔انہاں پاکستان اتے چین وچال عوام دے بہتر افہام و تفہیم اتے قربت پیدا کرنڑ اچ مادام باﺅجی چنگ دی خدمات کوں وی سراہیا۔ چینی سفیر سن وائی ڈونگ ’ سفارتی فرائض دی ادائیگی اچ ہر ممکن تعاون کرن تے وزیراعظم اتے پاکستان دی حکومت دا شکریہ ادا کیتا۔
