اسلام آباد ۔ 03 اکتوبر (اے پی پی) وزیر خارجہ خواجہ محمد آصف آکھیا جو پاکستان دہشت گردی اتے انتہا پسندی دے خلاف مﺅثر اقدامات کیتے،مسلح فوج دہشت گردی دے خلاف جنگ اچ کئی کامیابیاں حاصل کیتن۔نجی ٹی وی چینل نال گالھ مہاڑ کریندیں ہوئیں انہاں آکھیا جو اجوکی حکومت دے دور اچ جیڑھے آپریشن کیتے گئن او کامیاب رہین۔وزیرخارجہ آکھیا جو دہشت گردی اتے انتہا پسندی دے خلاف پاکستان مﺅثر اقدامات کیتے اتے نیشنل پلان ایں سلسلہ دی کڑی اے جئیں دا بنیادی مقصد ملک کوں دہشت گردی دی لعنت توں پاک کرنڑ اے۔ہک سوال دے جواب اچ انہاں آکھیا جو بھارت دی عوام نریندرامودی کوں وزیراعظم بنڑائے جیڑھا جو انسانی حقوق دی پامالیاں اتے مسلماناں دے قتل عام اچ ملوث اے۔
