وزیر اعظم دی صدارت بجلی دی پیداوار اتے ملک اچ طلب تے رسد بارے جائزہ اجلاس
اسلام آباد ۔ 27 اکتوبر (اے پی پی) وزیر اعظم شاہد خاقان عباسی بجلی دے شعبے کوں گیس دی مناسب دستیابی دے پیش نظر تیل تے مبنی پاور پلانٹس کوںمرحلہ وار گھٹ توں گھٹ مدت اچ گیس تے تبدیل کرنڑ دی ہدایت کریندے ہوئیں آکھیا ہے جو ایں اقدام نال نہ صرف ملک دے تیل دے در آمدی بل اچ گھٹکی آﺅسی بلکہ بجلی دی ودھ توں ودھ دستیابی یقینی تھیسی ۔انہاں اے گالھ جمعے کوں وزیرا عظم آفس اچ بجلی دی پیداوار تے ملک اچ طلب تے رسد دےاجائزہ اجلاس دی صدارت کریندے ہوئیں آکھی اجلاس اچ بجلی دی پیداوار دے متوقع تخمینہ جات تے نومبر 2017توں فروری 2018تئیں دے آندے چار مہینے اچ متوقع طلب دا وی جائزہ گھدا ۔وزیراعظم کوں ڈسایا گیا جو مختلف تقسیم کار کمپنیاں توں موصول اعداد شمار دے مطابق آندے چار مہینے اچ اوسط طلب دا تخمینہ تقریباً 14452میگاواٹ ہے جڈاں جو آئی پی پیز اتے پیداوار ی کمپنیاں توں اوسطاً خالص پیداوار 16865 میگاواٹ دے نیڑے ہوسی ۔اے وی ڈسایا گیا جو چار مہینے اچ متوقع فالتو بجلی 2400توں 3400میگاواٹ وچال ہوسی ۔ متوقع اعداد وشمار دے پیش نظر وزیراعظم ہدایت کیتی جوگھٹ مستعد پاور پلانٹ کوں مرحلہ وار انداز اچ بند کرڈتا ونجے تے بجلی دے شعبے سانگے گیس دی مناسب دستیابی دے پیش نظر گھٹ توں گھٹ مد اچ تیل تے مبنی پاور پلانٹس کوں گیس تے تبدیل کرنڑ سانگے ہر کوشش کیتی ونجے ۔انہاں آکھیا جو تیل آلے پاور پلانٹس دی گیس تے تبدیلی تے موجودہ پلانٹس دی استعداد کار اچ ودھ توں ودھ ودھارے نال نہ صرف تیل دے در آمدی بل اچ گھٹکی آﺅسی بلکہ بجلی دی ودھ توں ودھ دستیابی ہوسی ۔وزیراعظم جاری منصوبہ جات دی ویلھے نال تکمیل تے زور ڈیندے ہوئیں متعلقہ اداریں دے سربراہیں کوں بجلی دے شعبے دے جاری منصوبہ جات دی ویلھے نال تکمیل دے نظام الاوقات اچ پیش کرنڑ دی ہدایت کیتی۔
