استنبول۔ 21 اکتوبر (اے پی پی) وزیر اعظم شاہد خاقان عباسی آکھیا جو پاکستان صحت،بنیادی ڈھانچہ،تعلیم اتے انسانی وسائل دے انتظام تے انصرام اچ نائیجریا نال تعاون کر سگدے،ڈوہیں ملکاں وچ تجارت دے بہوں موقع موجود ہن اتے انہاں موقعیاں کوں ڈہیں ملکاں دی عوام دے فائدے سانگے لاتا ونج سگدے۔انہاں اے گالھ ترکی دی میزبانی اچ ترقی پذیر ممالک دی تنظیم ڈی ایٹ دے 9 ویں سربراہ اجلاس دے موقع تے نائجیریا دے صدرمحمد بوہاری نال ہفتہ کوں ترکی دے تریخی شہر استنبول اچ ملاقات اچ آکھی۔ملاقات اچ ڈوہیں رہنماﺅاں مختلف شعبیاں اچ ڈوہیں ملکاں اچ تعلقات دے ودھارے دے امکانات اتے آپسی دلچسپی دے معاملیاں تے گالھ مہاڑ کیتی۔وزیر اعظم شاہد خاقان عباسی ’ نائجیریا دے صدرکوں ڈسایا جو پاکستان صحت،بنیادی ڈھانچہ،تعلیم اتے انسانی وسائل دے انتظام تے انصرام اچ نائیجریا نال تعاون کر سگدے۔
