پاکستان اتے ترکمانستان وچال وسیع تر اقتصادی تعاون دی بہوں گنجائش موجود ہے، وزیراعظم شاہد خاقان عباسی دی ترکمانستان دے سفیر نال گالھ مہاڑ
اسلام آباد ۔ 16 اکتوبر (اے پی پی) وزیراعظم شاہد خاقان عباسی آکھیا ہے جوپاکستان اتے ترکمانستان وچال وسیع تر اقتصادی تعاون دی بہوں گنجائش موجود ہے۔ڈوہیں ملکاں کوں تجارت ،سرمایہ کاری تے بئے شعبے جات اچ ودھ رابطے دا ہدف مقرر کرنڑاں چاہیدا ہے ۔انہاں اے گالھ پاکستان اچ ترکمانستان دے سفیر عطاءجان نورلوچ مولا موف نال گالھ مہاڑ کریندے ہوئیں آکھی جنہاں سنوار کوں وزیراعظم آفس اچ انہاں نال ملاقات کیتی ۔ وزیراعظم آکھیا جو پاکستان اتے ترکمانستان وچال سانجھے اعتماد اتے افہام و تفہیم نال عبارت نیڑے تے خوشگوار تعلقات استوار ہن ،مختلف شعبے اچ ڈوپاسے دی سانجھ ودھدی پئی ہے ۔انہاں آکھیا جو ڈوہیں ملکاں ،ترکمانستان ،افغانستان ،پاکستان تے بھارت (تاپی) گیس پائپ لائن منصوبہ اچ شریک عمل ہن جیرھا جو پاکستان دی توانائی دیاں ضرورتاں کوں پورا کرنڑ سانگے صلاحیت رکھینداہے ۔ وزیراعظم تاپی گیس پائپ لائن منصوبہ دی وختی فعالیت سانگے پاکستان دے عزم دا اعادہ کیتا۔ ایں گالھ کوں وی سراہیا گیا جو ڈوہیں ملکاں تجارت، سفری سہولیتاں ، سیاحت اتے عوامی سطح تے رابطے دے ودھارے سانگے فضائی اتے زمینی رابطے سمیت وسیع تر مواصلاتی ررابطے سانگے اقدامات تے مرکوز ہن ۔
