پاکستان تے کمبوڈیا دا پارلیمانی رابطے کوں مضبوط بنڑا تے ڈوہیں ملکاں وچال دوستانہ تعلقات دے ودھارے تے تجارتی حجم اچ ودھارے سانگے مربوط کوششاں تے اتفاق آسیان اچ ممبر شپ سانگے نامزدگی دی ودھ ساری حمایت تے اساں کمبوڈیا دے شکر گزار ہوں، چیئرمین سینیٹ میاں رضا ربانی

ڈوہیں ملکاں وچال تجارتی تعلقات کوں مزید مستحکم بنڑاونڑ سانگے مربوط کوششاں دی ضرورت ہے ،وزیراعظم کمبوڈیا ہن سن
اسلام آباد ۔ 03 اکتوبر (اے پی پی) پاکستان تے کمبوڈیا دا پارلیمانی رابطے کوں مضبوط بنڑا تے ڈوہیں ملکاں وچال دوستانہ تعلقات دے ودھارے تے تجارتی حجم اچ ودھارے سانگے مربوط کوششاں تے اتفاق کیتا ہے ۔انہاں آکھیا ہے جو ڈوہیں ملکاں وچال تجارت دا موجودہ حجم ایں شعبے اچ ودھ ساری استعداد دے مقابلے اچ بہوں گھٹ ہے ۔ایں گالھ دا اعادہ چیئر مین سینیٹ میاں رضا ربانی تے کمبوڈیا دے وزیراعظم ہن سن دی ملاقات اچ کیتا گیا ۔اے ملاقات ایشیائی پارلیمانی اسمبلی دی ایگزیکٹو کونسل دے پہلے اجلا س دے موقع تے پھوم پن اچ تھی ۔ چیئرمین سینیٹ میاں رضاربانی شاندار مہمان نوازی تے وزیراعظم کمبوڈیا ، اُنہاں دی حکومت اتے عوام دا شکریہ ادا کیتا ۔انہاں آکھیا جو انہاں دی ولولہ انگیز قیادت اچ کمبوڈیا ودھ ساری ترقی کیتی ہے ۔ میاں رضاربانی آکھیا جو پاکستان اتے کمبوڈیا وچال دیرینہ دوستانہ تعلقات ہن اے امر باعث افتخار ہے جو حکومت پاکستان ولوں کمبوڈیا کوں سفارت کاری اتے بئے پیشہ ورانہ شعبےا چ تربیت اچ معاونت ڈتی ویندی پئی ہے ۔ انہاں آکھیا جو آسیان اچ ممبر شپ سانگے پاکستان دی نامزدگی دی ودھ ساری حمایت تے اساں کمبوڈیا دے بہوں شکر گزار ہوں تے ڈوہیں ملکاں وچال اے بہوں ضروری ہے جو اساں معاشی اتے تجارتی تعلقات کوں ودھارا ڈیووںانہاں ڈوہیں ملکاں وچال تجارتی تعلقات کو ںمزید مستحکم بنڑاونڑ سانگے مربوط کوششاں دی ضرورت ہے ۔