اسلام آباد ۔ 30 اکتوبر (اے پی پی) پاکستان انسانی ہمدردی دی بنیاد اتے جذبہ خیرسگالی دے تحت 68 بھارتی قیدیاں دی رہائی اتے انہاں کوں واہگہ بارڈ ر دے رستے بھارت روانہ کرنڑ دا فیصلہ کیتا ہے ۔دفتر خارجہ توںجاری بیان دے مطابق انہاں بھارتی ماہی گیراں کوں دانستہ طور تے پاکستانی سمندری حدود اچ داخل تھیونڑ تے حراست اچ گھدا گیا ہئی ۔پاکستان 13اکتوبر کوں ڈو بھارتی شہریاں کوں وی رہا کر ڈتا ہئی ۔پاکستان دا ہمیشہ موقف رہیا ہے جو انسانی ہمدردی دے امور کوں حل کرنڑ تے توجہ ڈتی ونجے تے انہاں معاملات کوں سیاست دی نذر نی کرنڑاں چاہیدا۔
