اسلام آباد ۔ 17 اکتوبر (اے پی پی) وفاقی وزیر انسانی حقوق ممتاز احمد تارڑآکھیا ہے جو پاکستان اقوام متحدہ دے بالاں دے حقوق دے معاہدہ ،تریمت دے خلاف تھیونڑ آلے امتیازی سلوک دیاں ساریاں قسماں دے خاتمے تے انسانی حقوق دی ڈوجھے اہم معاہدات دا ہک اہم رکن ہوندے ہن بالاں خاص طور تے گرل چائلڈ دے حقوق دا تحفظ کرنڑ دا مصمم ارادہ رکھیندا ہے ۔پاکستان ہمیشہ بالڑیں دے حقوق دی حمایت کرنڑ آلے نمایاں اقوام دے نال رہیا ہے ۔بالاں دے حقوق دے سلسلے اچ اساڈے عزم تے عہد دی روایت ریاست دی پالیسیاں اچ جاری ہے ۔حکومت پاکستان ضروری اقدامات سانگے ہک لائحہ عمل کوں اگی تے ودھیندی پئی ہے ،جیرھا جو گرل چائلڈ دیاں زندگیاں تے چنگاں اثر تھیسی۔او منگل کوں اتھاںگرل چائلڈ دے بین الاقوامی ڈینھ دے موقع تے منعقدہ تقریب توں خطاب کریندے پے ہن ۔وفاقی وزیر آکھیا جو اساڈا مذہب اسلام اساکوں گرل چائلڈ دی ڈیکھ بھال ،تحفظ اتے فلاح وبہبود دی مقدس ذمے واری ڈیندا ہے ۔اسلامی تعلیمات دی روشنی اچ اساںگرل چائلڈ سانگے ہک موافق اتے مانوس ماحول فراہم کرنڑ دا عزم رکھیندے ہن جتھاں او ہر قسم دے امتیازی سلوک تے پر تشدد تحفظ حاصل کر سگدے ہن ۔
