راولپنڈی ۔ 12 اکتوبر (اے پی پی)پاک فوج 5غیر ملکی یرغمالیاں کوں بازیاب کرا گھدے،مغویاں اچ ہک کینیڈین،اوندی امریکی ذال اتے ترائے بال شامل ہن ۔انہاں غیر ملکیاں کوں 2012ءاچ افغانستان توں اغواءکیتا گئیا ہئی ۔خفیہ اطلاع دے تبادلے تے پاک فوج آپریشن دے ذرےعے پنج غیر ملکی مغویاں کوں بحفاظت بازیاب کرا گھدے۔پاک فوج دے شعبہ تعلقات عامہ(آئی ایس پی آر) دے مطابق امریکی خفیہ ادارے ہک ڈینھ پہلے یرغمال ٹبر دی افغانستان توں پاکستان منتقلی دی اطلاع ڈتی۔دہشت گرداں کوں کرم ایجنسی دے ذرےعے پاکستان منتقل کیتا تاں پاکستان فورسز آپریشن کیتا اتے انہاں کوں بازیاب کرا گھدا۔بازیاب کرائے گئے ٹبر کوں واپسی انہاں دے ملک بھجوایا ویندا پئے ۔
