اسلام آباد ۔ 10 اکتوبر(اے پی پی)وزیراعظم شاہد خاقان عباسی آکھیا جو پاکستان بیماریاں اتے معذوریاں نال نبڑنڑ سانگے ڈبلیو ایچ او نال رل تے کم کرنڑ دی خواہش رکھیندے،صحت بارے پائیدار ترقیاتی اہداف دے حصول سانگے قومی صحت دے وژن تے کاربند ہن۔انہاں اے گالھ ڈبلیو ایچ او دے ڈائریکٹر جنرل ڈاکٹر ٹیدروس ایڈہینوم گیبریواوسس نال گالھ مہاڑ کریندیں ہوئیں آکھی جنہاں وفد دے رلے منگل کوں وزیراعظم ہاﺅس اچ ملاقات کیتی۔وزیراعظم وفد کوں ڈسایا جو حکومت پاکستان گزریل چار سالیں اچ صحت دے شعبہ اچ اہم اصلاحات کیتن اتے وزیراعظم دا قومی ہیلتھ پروگرام شروع کیتا ویندا پئے جیڑھا جو معاشرہ دی غریب ترین طبقہ کوں مفت معیاری خدمات ڈیندے اتے اے ہک تریخی اقدام اے۔وزیراعظم دوائیں دے بہتر ریگولیٹری نظام،دوائیں دی بارکوڈنگ ،ڈرگ ٹیسٹنگ اتے بین الاقوامی معیار دے مطابق نگرانی اتے بالاں سانگے حفاظتی ٹیکہ جات پروگرام اچ نشابر بہتری گھن آونڑ اے۔۔ ڈائریکٹر جنرل ڈبلیو ایچ او ’ ڈبلیو ایچ او دے 64 ویں علاقائی کمیٹی اجلاس دی میزبانی تے وزیراعظم اتے حکومت پاکستان دا شکریہ ادا کیتا جیڑھی جو 9توں 12اکتوبر تئیں اسلام آباد اچ تھیندی پئی اے۔
