اسلام آباد ۔ 11 اکتوبر (اے پی پی) قومی اسمبلی اچ محمود خان اچکزئی اتے شاہ محمود قریشی وچال اعتراض تے نکتے تے پہلے سخت گرمی دا ماحول بنڑ گیا تاں جو ڈپٹی سپیکر اجلاس غیر معینہ مدت سانگے ملتوی کرڈتا۔ بدھ کوں قومی اسمبلی اچ مولانا فضل الرحمان دے بعد ڈپٹی سپیکر محمود خان اچکزئی کوں فلور ڈتا تو شاہ محمود قریشی وی کھڑے تھی گے تے انہاں آکھیا جو پہلے انہاں کوں گالھ کرنڑ ڈتی ونجے جیں دے بعد پی ٹی آئی دے ممبراں اٹھی تے کھڑے تھی گے ۔محمود خان اچکزئی آکھیا جو پی ٹی آئی آلے اینویں کریندن ،پہلے اجلاس اچ وی ایجھا رویہ ہئی اے شام تئیں کھڑے رہون انہاں کوں بولنڑ کائناں ڈیساں ،اے پہلے میڈی گالھ سنڑ گھنن۔اے کیا رویہ ہے جوسارے ہکے واری کھڑے تھی ویندے ہن ۔ایندے تے ڈپٹی سپیکر آکھیا جو اے چیئر دا احترام نی کریندے انہاں دا ہمیشہ ایہو رویہ ہے ۔محمود خان اچکزئی آکھیا جو اگر انہاں دا ایہو رویہ ہے تاں اجلاس ہی ملتوی کر ڈتا ونجے جیں تے ڈپٹی سپیکر اجلاس غیر معینہ مدت سانگے ملتوی کر ڈتا ۔
