ڈپٹی سپیکر قومی اسمبلی مرتضیٰ جاوید عباسی آسیہ ناصر دے سوال دا جواب نہ آونڑ تے سیکر ٹری داخلہ کوں سڈ گھدا

اسلام آباد ۔ 11 اکتوبر (اے پی پی) ڈپٹی سپیکر قومی اسمبلی مرتضیٰ جاوید عباسی آسیہ ناصر دے سوال دا جواب نہ آونڑ تے سیکرٹری داخلہ کوں سڈ گھدا ۔ بدھ کوں قومی اسمبلی دے اجلاس اچ وقفہ سوالات دے دوران آسیہ ناصر دے سوال دا تحریری جواب نی ڈتا گیاجڈاں جومتعلقہ وزیر ‘ وزیر مملکت اتے پارلیمانی سیکرٹری ایوان اچ موجود کائناں ہن ۔ جیں تے ڈپٹی سپیکر آکھیا جو سیکرٹری داخلہ 20 منٹ اچ ایوان اچ آون ۔ ڈپٹی سپیکر آکھیا جو وزارت داخلہ 27 سوالاں دے جواب کائنی ڈتے تے نہ ہی وزارت داخلہ دا کوئی عملہ ایوان اچ موجود ہے اے ایوان دی توہین ہے ۔ وزیر پارلیمانی امور شیخ آفتاب احمد آکھیا جو وزیر داخلہ باہرلے ملک دے دورے تے ہن ۔اے افسوسناک صورت حال ہے ،ایں حوالے نال میں ساریں کوں خط لکھیے ہن ۔ڈپٹی سپیکر آکھیا جو قونصل برانچ معطل کرو ۔پارلیمنٹ دی عز ت تے تحریم تے کوئی سمجھوتہ کائناں کریسوں ۔قونصل کوں معطل کرتے رپورٹ ایوان اچ پیش کیتی ونجے ۔وزیر مملکت داخلہ طلال چوہدری آکھیا جو قونصل برانچ دے خلاف کاروائی کرتے ایوان کوں ڈسا ڈیسوں ۔انہاں آندے اجلاس اچ ایوان کوں سارے سوالاں دے جواب ڈیونڑ دا یقین ڈوایا ۔