اسلام آباد ۔ 26 اکتوبر (اے پی پی)وزیراعظم شاہد خاقان عباسی آکھیا جو سیندک منصوبہ نال1500پاکستانیاں کوں روزگار ڈیونڑ توں انج بلوچستان دے مقامی دیہاتاں کوں مفت خدمات ڈتی ویندی پئی اے،پاکستان اچ چینی سرمایہ کاری نال طویل المیعاد بنیاداں تے شہریاں کوں فائدے ملسن۔اے گالھ انہاں خمیس کوں وزیراعظم آفس اچ سیندک میٹلز لیمیٹڈ اتے چین دی میٹرلرجیکل کارپوریشن(ایم سی سی )وچال سیندک اچ سونے اتے تانبے دی لیز معاہدے دی مدت اچ ہک سال دی توسیع دے معاہدے تے دستخط دی تقریب اچ شرکت توں پہلے میٹرلرجیکل کارپوریشن دے صدر ژانگ منگ ژنگ نال گالھ مہاڑ کریندیں ہوئیں آکھی۔ وزیراعلیٰ بلوچستان نواب ثناءاﷲ زہری، پاکستان اچ چینی سفارتخانہ دے ناظم الامور ژاﺅ لی جیان، پٹرولیم تے قدرتی وسائل ڈویژن اتے بلوچستان حکومت دے سینئر افسر وی ایں موقع تے موجود ہن ۔
