اساڈی حکومت مشکلات دے باوجود کم کر تے ڈکھایا تے توانائی دے بحران تے قابو پا گھدا ،وزیراعظم شاہد خاقان عباسی دا پاکستان انجینئر نگ کونسل دے اہمتام نال سالانہ کنونشن توں خطاب

اسلام آباد ۔ 9 نومبر (اے پی پی) وزیراعظم شاہد خاقان عباسی آکھیا جو اساڈی حکومت اوکھ دے باوجود کم کر تے ڈکھایا توانائی بحران تے قابو پا گھدا گیا ،مسلم لیگ ن دی حکومت آئی تاں گیس تے چلنڑ آلے پاور پلانٹس ‘فرٹیلائزر پلانٹس اتے انڈسٹری بند ہئی تے گالھ گھریلو استعمال سانگے کیتی ونجنڑ آلی سپلائی دی بندش تئیں پج گی ۔ملک اچ بجلی کائناں ہئی ،کھاد در آمد تھیندی پئی ہئی ،ٹی وی تے لوک کہانیاں سنڑیندے ہن انہاں دا مقابلہ کرنڑ جانڑدوں ،ملک اچ 70سالاں اچ 17ہزار میگاواٹ بجلی بنڑائی گی تے اساڈی حکومت محض ساڈھے چار سال دی بہوں گھٹ مدت اچ 10ہزار میگاواٹ بجلی سسٹم اچ رلائی ،، انجینئرنگ اتے انجینئرز دی ترقی دے بغیر ملک اگی تے نی ودھ سگدا ،اگر انجینئر اپنڑیاں ذمے واریاں نال بہتر طور تے عہدہ بر تھیون تاں مسئلے حل کرنڑ اچ سوکھ تھی ویسی ،سی پیک وی انجینئرنگ پراجیکٹ ہے ،ایں حوالے نال پاکستان انجینئرنگ کونسل قائدانہ کردار ادا کرے ۔او پاکستان انجینئرنگ کونسل (پی ای سی) دے اہمتام نال سالانہ انجینئر ز کنونشن توں خطاب کریندے پے ہن ۔ وزیر دفاع خرم دستگیر، وزیر داخلہ و منصوبہ بندی احسن اقبال اتے پاکستان انجینئرنگ کونسل دے چیئرمین وی موجود ہن ۔ انہاںآکھیا جو ملک دا وزیر دفاع ‘وزیر داخلہ و منصوبہ بندی، وزیر‘تعلیم اتے کئی اعلیٰ عہدیں تے وی ایں ویلھے انجینئر تعینات ہن انہاں تے باری ذمے واری ہے او انہاں توں بہتر طور تے عہدہ بر تھیون۔ وزیراعظم آکھیا جو 2013اچ جڈاں مسلم لیگ (ن) حکومت قائم تھی تاں وزیراعظم نواز شریف میکوں پٹرولیم دا قلمدان ڈتا جیرھا جو میں سانگے حیران کن ہئی ڈو ہفتے اچ ہی احساس تھی گیا ہئی جو ملک اچ اضافی گیس کائناں گھن آسوں تاں توانائی دا بحران مکنڑ آلا کائنی ایں حوالے نال بہوں لوکاں تنقید کیتی تاں جو تنقید نال مسئلے حل کائنی تھیندے ۔ انہاں پاکستان انجینئرنگ کونس (پی ای سی) ولوں سالانہ انجینئرز کنونشن کوں سراہیا ۔