اسلام آباد ،راولپنڈی سمیت ملک دے مختلف علاقیں اچ مینھ تے پہاڑاں تے برف نال موسم ٹھر گیا ،آندے 24گھنٹے دے دوران کجھ جہیں تے مزید مینھ تے پہاڑاں تے برف پوونڑ دا امکان

اسلام آباد ۔ 15 نومبر (اے پی پی) جاڑے شہراں راولپنڈی اسلام آباد سمیت ملک دیاں مختلف جہیں تے مینھ وسنڑ تے پہاڑاں تے برف پاروں موسم ٹھر گیا ،آندے 24گھنٹے دے دوران کجھ جہیں تے مزید مینھ تے پہاڑاں تے برف پوونڑ دا امکان ہے جڈاں جو پنجاب دی میدانی علاقیں اچ کوہیڑ وہ ویسی ۔محکمہ موسمیات دے مطابق پنجاب،خیبرپختونخوا، فاٹا، اسلام آباد، شمال مشرقی بلوچستان اتے کشمیر اچ کہیں کہیں جاہ تے کھمنڑ نال مینھ وسیا ۔ساریں توں ودھ مینھ خیبرپختونخوا اچ پشاور (ائیرپورٹ 60، سٹی 56)، چراٹ 49، بنوں 43، رسالپور42، کوہاٹ 27، لوئر دیر 17، کاکول 15، ماالم جبہ 13، اپردیر 7، میر کھانی 5، پارہ چنار 4، سیدو شریف، چترال 2، ڈی آئی خان،کالام، بالاکوٹ ایک، کامرہ 21، مری، نورپورتھل 13، اسلام آباد اچ (سیدپور11، زیرو پوائنٹ10، گولڑہ 8، بوکڑہ 5)، راولپنڈی (چکلالہ12،شمس آباد8)، بھکر 8، منگلا 7، منڈی بہاﺅالدین، اوکاڑہ،جھنگ، جہلم 6، قصور 5، میانوالی4، ٹوبہ ٹیک سنگھ، بہاولنگر3، سرگودھا(ائیرپورٹ3، سٹی 02)،جوہر آباد، گوجرانوالہ، ڈی جی خان 2، سیالکوٹ(کینٹ)2، لاہور (یونیورسٹی 2، سٹی 1)،کشمیر اچ کوٹلی ، راولاکوٹ 12، مظفرآباد 3، گڑھی دوپٹہ 2، بلوچستان اچ ژوب 4 تے بارکھان اچ 1 ملی میٹر ریکارڈکیتا گیا۔ آندے 24 گھنٹے دے دوران ملک دے ودھ سارے علاقیں اچ موسم ٹھڈا تے رکھا رہ ویسی تاں جو مالاکنڈ، ہزارہ، راولپنڈی،گوجرانوالہ ڈویژن،اتلے فاٹا، کشمیر تے گلگت بلتستان اچ کجھ جہیں تے مینھ تے پہاڑاں تے برف پوسی ۔پنجاب دی میدانی علاقیں ( لاہور، فیصل آباد، ساہیوال، سرگودھا ڈویژن )اچ رات اتے سویل دے ویلھے ودھ ساری کوہیڑ پوسی ۔ملک اچ ساریں توں ودھ پالا قلات اچ پیا جتھاں گھٹ توں گھٹ درجہ حرارت منفی ڈو ڈگری سینٹی گریڈ رہیا ایندے علاوہ سکردو تے منفی ہک تے کوئٹہ اچ صفر ڈگری سینٹی گریڈ رہیا ۔