پاکستان سمیت بئے ملکاں سے ترقیاتی عمل اچ پولینڈ دی شراکت قابل تعریف ہے ،ڈوہیں ملکاں وچال رابطے اچ ودھرا سانجھے تعلقات دے ودھارے د ا ذریعہ بنڑسی
اسلام آباد ۔ 06نومبر (اے پی پی)صدر مملکت ممنون حسین پولینڈ کو ںتوانائی ، زراعت اتے فوڈ پوسیسنگ سمیت بے شعبے اچ سرمایہ کاری تے سانجھے منصوبیں دی پیشکش کریندے ہوئیں توقع ظاہر کیتی ہے جو ڈوہیں ملکاں دے ارکان پارلیمان ،تاجراں تے عوام وچال رباطے اچ ودھارے سانجھے تعاون تے تعلقات دا ودھارا بنڑیسی ۔صدر مملکت اے گالھ پولینڈ دی سینٹ دے مارشل سٹینلا کارزپوسکی نال گالھ مہاڑ کریندے ہوئیں آکھی جنہاں سنوار کوں اپنڑے وفددے نال ایوان صدر اچ انہاں نال ملاقات کیتی ۔ایں موقع تے چیئرمین سینیٹ میاں رضا ربانی، سینیٹر گیان چند، پاکستان اچ پولینڈ دے سفیر اتے اعلیٰ حکام موجود ہن ۔ صدر مملکت مارشل سٹینلا داخیر مقد م کریندے ہوئیں آکھیا جو پاکستان دے عوام بہوں مہمان نواز ہن تے پولینڈ دے بہترین دوست ہن۔ انہاں آکھیا جو پاکستان سمیت بئے ملکاں دے ترقیاتی عمل اچ پولینڈ دی شراکت قابل تعریف ہے ۔انہاں آکھیا جو ایں سلسلے اچ پارلیمانی وفد دا تبادلہ بہوں مفید ہے کیوں جو ایندے ذریعے سانجھے مسلے تے ہک ڈوجھے دی اہلیت کوں سمجھ تے سانجھے تعاون اچ ودھارے دا موقع ملدے ۔ایں موقع تے پولینڈ دے مارشل آف سینیٹ آکھیا جوپولینڈ پاکستان دے مختلف شعبے اچ تعاون ودھاونڑ چاہندے ۔انہاں پولینڈ دی سلامتی کونسل اچ رکنیت دے سلسلے اچ پاکستان دی حمایت دا وی شکریہ ادا کیتا ۔
