راولپنڈی۔ 13 نومبر (اے پی پی)بری فوج دے سربراہ جنرل قمر جاوید باجوہ نال برطانیہ اچ منعقدہ ”ایکسرسائزکیمبرین پیٹرول“اچ گولڈ میڈل حاصل کرنڑ آلی پاک فوج دی ٹیم ملاقات کیتی ‘اے مشقاں 13 توں 22 اکتوبر برطانیہ اچ منعقد تھیاں ہن ۔پاک فوج دے شعبہ تعلقات عامہ(آئی ایس پی آر) دے مطابق ”ایکسرسائز کیمبرین پیٹرول“ اچ 131ملکاں دیاں ٹیماں حصہ گھدا ۔انہاں مشقاں اچ فوجی نینگراں دا سخت پٹرولنگ ٹیسٹ گھدا ویندا ہے ۔پاک فوج دی ٹیم مسلسل تریجھی واری تے مجموعی طورتے چوتھی واری انہاں مشقاں اچ گولڈ میڈ ل حاصل کیتا ہے۔آرمی چیف جنرل قمر جاوید باجوہ پاک فوج دی ٹیم دی کارکردگی کو ںسراہیا ۔کیمبرین پیٹرول سخت جسمانی مشق ہے جیرھی جو مشن کوں حاصل کرنڑ سانگے ٹیم ورک تے توجہ ڈیندی ہے ۔مشقاں دے دوران برطانیہ دے دشوار گذار پہاڑی رستے تے8نینگراں تے مشتمل ٹیم 40کلو کمبیٹ گیئر کوں چیلنج نال نبڑدے ہوئیں منزل تئیں پجا ڈتا ہے گیا ہے ۔
