اسلام آباد ۔ 08 نومبر (اے پی پی) وزیراعظم شاہد خاقان عباسی ملک دی سمندری سرحداں دے دفاع دے حوالے نال پاک بحریہ دیاں پیشہ ورانہ صلاحیت تے چنگے اعتماد تے یقین دا اظہار کریندے ہوئیں آکھیا ہے جو پاک بحریہ بحری سرحدا ں دے تحفظ سانگے پوری طرح تیار ہے انہاں اے گالھ بدھ کوں نیول ہیڈکوارٹرز دے دورے دے دوران آکھی ۔وزیراعظم آکھیا جو میری ٹائم شعبے دی اہمیت ایندی وسیع تراقتصادی صلاحیت تے ایندے امر نال بخوبی آگاہ ہن تاں جو پاکستان دی ترقی میری ٹائم شعبے دی ترقی تے منحصرہے ۔وزیراعظم آکھیا جو اے امر بہوں اطمینان بخش ہے جو جو اساڈی بحریہ وطن دے سمندر مفادات دے تحفظ ‘ سمندری سرحداںدی پاسبانی تے گوادر بندر گاہ تے سی پیک کوں سکیورٹی ڈیونڑ سانگے پوری طرح تیا ر ہے ۔ ہیڈ کوارٹرز آمد تے پاک بحریہ دے سربراہ ایڈمرل ظفر محمود عباسی وزیراعظم دا استقبال کیتا۔ پاک بحریہ دے چاق وچوبند دستے انہاں کوں گارڈ آف آنر پیش کیتا۔ نیول ہیڈ کوارٹرز اچ خدمات انجام ڈیونڑ آلے پرنسپل سٹاف افسراں کوں وزیراعظم نال متعارف کرایا گیا ۔
