اسلام آباد کوں جرائم توں پاک کرنڑ سانگے پولیس کوں عوام دوست تھیونڑاں پوسی وزیر داخلہ پروفیسر احسن اقبال دی وفاقی دارالحکومت دی تھانڑیں دے اچانک دورے دے دوران ہدایت

سارے تھانڑیں ہنگامی بنیاداں تے کمیونٹی سنٹر قائم کرن، تھانڑیں اچ آونڑ آلے ہر شہری ددا کم کیتا ونجے
اسلام آباد ۔ 30 نومبر (اے پی پی) وزیر داخلہ پروفیسر احسن اقبال ہدایت کیتی ہے جو سارے تھانڑیں ہنگامی بنیاداں تے کمیونٹی سنٹر قائم کرن اتے تھانڑیں آونڑ آلے ہر شہری دی وختی مدد کیتی ونجے، اسلام آباد کوں جرائم توں پاک کرنڑ سانگے پولیس کوں عوام دوست تھیونڑاں پوسی۔ خمیس کوں وزیر داخلہ ناسلام آباد دے مختلف تھانڑیں دا اچاچیت دورہ کیتا۔ وزیر داخلہ تھانڑاںرمنا، تھانڑاں سیکرٹریٹ اتے تھانڑاں کوہسار گے۔ احسن اقبال تھانڑیںدے رپورٹنگ روم دا جائزہ گھدا تے روزنامچے وی چیک کیتے۔ تھانڑیں دے رپورٹنگ روم دے عملے وزیر داخلہ کوں ایں موقع تے بریفنگ ڈتی ۔ وزیر داخلہ تھانڑیں وچ موجود سائلین نال وی ملاقات کیتی اتے انہاں دے مسائل وختی حل کرنڑ دے احکامات ڈتے ۔ وزیر داخلہ تھانڑاں رمنا دی نویں بلڈنگ دے تعمیراتی کم داجائزہ گھدا اتے تعمیراتی کم وچ وسلائی تے کاوڑ کیتی۔ انہاںعمارت کوں وختی توں وختی بنڑاونڑ دی وی ہدایت کیتی۔ وزیرداخلہ آکھیا جو پولیس عوام دی خدمت کوں اپنڑاںمعمول بنڑاوے اتے تھانڑیںآونڑ آلے ہرشہری دی وختی دادرسی کیتی ونجے۔ انہاں تھانڑاں سیکرٹریٹ وچ ماڈل کمیونٹی سنٹر دی تعمیر وچ دیر تے متعلقہ افسراں تے کوڑیجے ۔ وزیر داخلہ ہدایت کیتی جو سارے تھانڑے ہنگامی بنیاداں تے کمیونٹی سنٹر بنڑاون۔ انہاں آکھیا جوشہریاں دے تعاون دے بغیر جرائم کوں مکاونڑ ممکن کائنی۔ اسلام آباد کوں جرائم توں پاک کرنڑ سانگے پولیس کوں عوام دوست تھیونڑ پوسی۔