اقوام متحدہ اچ پاکستان دی مستقل مندوب ڈاکٹر ملیحہ لودھی دا امریکی آن لائن جریدے ”امپیکٹ مینیا“ کوں انٹرویو

نیویارک ۔ یکم نومبر (اے پی پی) اقوام متحد ہ اچ پاکستان دی مستقل مندوب ڈاکٹر ملیحہ لودھی پاکستان ولوں دہشت گردی دے خاتمے سانگے چنگیاں کوششاں نہ کرنڑ دے تاثر کوں یکسر مسترد کریندے ہوئیں آکھیا ہے جو پاکستان حکومت دے دہشت گردی دی لعنت کوں منڈھوں مکاونڑ دے پکے عزم دے نتیجے اچ ہی القاعدہ سمیت کئی دہشت گرد گروپاں کوں تباہ کیتا گیا ۔امریکی آن لائن جریدے امپیکٹ مینیا کوں انٹرویو اچ ڈاکٹر ملیحہ لودھی آکھیا جو اساڈے خطے توں القاعدہ دے خاتمے اچ اگر بئے ملکاں وی تعاون کیتا لیکن بنیاد ی طور تے پاکستان دیاں کوششاں دانتیجہہے ۔ہک سوال دے جواب اچ انہاں آکھیا جو دہشت گردی دے خلاف جنگ اچ پاکستان اپنڑی سیکورٹی فورسز دے ہزاراں ارکان تے انہاں توں ودھ شہریاں دی قربانی ڈتی ۔انہاں آکھیا جو پاکستان اچ تحفظ اتے سلامتی دے حوالے نال صورت حال ہر ڈینھ گزرنڑ دے نال ہی بہتر تھیندی پئی ہے تساں خود ونج تے مشاہدہ کر سگدو۔امریکی شہریاں دی تے اساڈیاں امنگاں تے خواہشات دے مشترک ہن ۔اساں اگر انجھ انجھ ملکاں دے شہری ہوں لیکن ہک ہی انسانی برادری دا حصہ ہوں ۔ پاکستانی مندوب آکھیا جو ہنڑے ہی میں پاکستان دا اقوام متحدہ دی حقوق انسانی کونسل دے رکن دے طور تے انتخاب انسانی حقوق دی پاسداری دے اساڈے عزم دے کردار دی عکاس ہن ۔ایندے علاوہ پاکستان انسانی حقوق دے تحفظ دے کئی بین الاقوامی معاہدیں تے وی دستخط کیتے ہن ۔ہک سوال دے جواب اچ انہاں آکھیا جو پاکستان اچ تعلیم کوں مزید ودھارا ڈے تے تریمت کوں ودھ توں ودھ بااختیار بنڑایا ونج سگدا ہے ۔