اسلام آباد ۔ 24 نومبر (اے پی پی) ایوان بالا دے اجلاس اچ پشاوردے علاقے حیات آباداچ خودکش دھماکہ اچ ایڈیشنل آئی جی ہیڈ کوارٹرز تے گن مین دی شہادت جڈاں جو ڈو ڈینھ پہلے تھیونڑ آلے واقعے اچ پاک فوج دے میجر اسحاق دی شہادت دے واقعات تے اظہار مذمت کیتاگیا۔ جمعے کوں ایوان بالا دے اجلاس اچ چیئرمین سینیٹ آکھیا جو ایں طرح دے بزدلانہ حملے پاکستانی عوام دے حوصلے جھکے نی تھی سگدے پاکستانی قوم بہادر قوم ہے۔ پوری قوم دہشت گردی دے خلاف جنگ اچ پرعزم ہے۔ اے واقعات کجھ ڈینھ پہلے بلوچستان اچ پولیس افسراں تے تھیونڑ آلے حملے دی کڑی ہے ۔
