اسلام آباد ۔ 07 نومبر (اے پی پی) وفاقی وزیر ریلوے خواجہ سعد رفیق آکھیا ہے جو ملک اچ جمہوریت اپنڑے پیر جمیندی ہے لیکن ایندے پیر جمنڑ نی ڈتے ویندے ۔اتھاں احتساب عدالت دے باہروں میڈیا نال گالھ مہاڑ کریندے ہوئیں خواجہ سعد رفیق آکھیا جو ملک اچ جمہوریت اپنڑے پیر جمیندی پئی ہے تاںجو ایجھی صورت حال پیدا تھی ویندی ہے یا کر ڈتی ویندی ہے جیں نال جمہوری عمل کوں ضیان تھیندا ہے ۔نویں انتخابات متعلق ہک سوال دے جواب اچ وزیر ریلوے آکھیا جو مردم شماری دے بعد ساریں توں وڈا مرحلہ حلقہ بندیاں دا ہے لیکن ہک جماعت پہلے الیکشن دا مطالبہ کریندی پئی ہے ۔انہاں آکھیا جو مردم شماری تھیونڑ دے بعد الیکشن نویں مردم شماری دے مطابق تھیونڑیں ہن ،مردم شمارم شماری دے تقاضے پورے کیتے بغیر کیویں انتخابات تھیسن ۔خواجہ سعد رفیق آکھیا جو پیپلز پارٹی جمہوریت دی چمپئن تھیونڑ دی دعویدار ہے لیکن پتہ نی ایندی جمہوری حس کوں کیاتھی گے ۔خواجہ سعد رفیق آکھیا جو حکومت دی پوری کوشش ہوسی جو حلقہ بندیاں متعلق ساریاں سیاسی جماعتاں کوں ہک پیج تے گھن آﺅں تے اساڈی کوشش کوں میڈیا ددے ذریعے قوم نال شیئر کریندے رہسوں ۔
