پشاور۔24نومبر (اے پی پی )پشاوردے علاقے حیات آباد فیزٹو اچ پولیس گاڈی دے نیڑے دھماکے اچ ایڈیشنل آئی جی (ہیڈکوارٹرز)محمداشرف نورڈوجھے پولیس اہلکار سمیت شہید تھی گن تے 5زخمی ہن ۔زخمیاں اچ ذیشان، اعجاز، شوکت، سہراب علی اتے محمدذیشان شامل ہن۔ دھماکے نال پولیس گاڈی پوری تباہ تھی گی۔ پولیس دے مطابق دھماکہ حیات آباد فیزٹواچ زرغونی مسیت دے نیڑے تھیا ۔ دھماکے اچ ایڈیشنل آئی( ہیڈکوارز)ٹرمحمداشرف نوردی گاڈی کوںنشانہ بنڑایا گیا۔ دھماکے دے وختی بعد سکیورٹی فورسز علاقے کوں ولا ڈے گھدا جڈاں جو امدادی ٹیماں وی موقع تے پج گیاں ۔زخمیاں کوں وختی طبی امداد سانگے حیات آباد میڈیکل کمپلیکس منتقل کرڈتاگیا۔ دھماکے دی شدت دی وجہ توں نیڑے گزریاں گاڈیاں دے شیشے وی ترٹ گے۔
