ماسکو ۔ 28 نومبر (اے پی پی) روس جزیرہ نما کوریا اچ فساد کھنڈاونڑ تے امریکہ کوں بہوں وڈی چتاونڑیں ڈتی ۔روسی ذرائع ابلاغ موجب نائب وزیر خارجہ ایگور موگولوف اپنڑے بیان اچ آکھیے جو ایجھی حالت اچ جڈاں شمالی کوریا گزریل ڈو مہینے دے دوران میزائل اتے جوہری تجربہ نئیں کیتا روس جزیرہ نما کوریا اچ امریکی تے اوندے اتحادیاں دا کٹھیاں فوجی مشقاں اتے فوجی کاروائیاں کوں ٹھیک نئیں سمجھدا ۔انہاں آکھیے شمالی کوریا ولوں ڈو مہینے اچ کوئی وی غلط حرکت سامنڑے کائنی آئی ایندے باوجود نی لگدا جو امریکہ جھیڑے کوں مکاونڑ دی کوشش اچ اے ،بھل او فوجی مشقاں کرتے مزید فساد کھنڈیندا پے ۔ نائب وزیر خارجہ آکھیا ہے جو انہاں دا ملک شمالی کوریا کوں ایں گالھ تے مناونڑ دی کوشش کریندا پے جو او کوئی نواں میزائل یا جوہری تجربہ نہ کرے ۔
