اقوام متحدہ ۔ 29 نومبر (اے پی پی) اقوام متحدہ دی ہیومن رائٹس کونسل اعلان کیتا ہے جو میانمار وچ روہنگیا مسلماناں اتے بیاں مذہبی اقلیتاں دی صورتحال دا جائزہ 5 دسمبر کوں تھیونڑ آلے ہک خصوصی اجلاس وچ گھدا ویسی۔ عالمی ذرائع ابلاغ دے مطابق ایہ اجلاس سعودی عرب اتے بنگلہ دیش دی درخواست تے سڈیا گئے جڈانجو مجموعی طور تے 33 ملکاںایندی حمایت کیتی ہے۔ توقع ہے جو اجلاس وچ اتھاں جاری پر تشدد کارروائیاں، جنسی زیادتیاں دے واقعات اتے بئے جرماں دی رپورٹاں دا جائزہ وی گھدا ویسی۔ واضح رہوے جو اقوام متحدہ دی ہیومن رائٹس کونسل دے کل ارکان دی تعداد 47 ہے جنہاں وچوں 33 ایں اجلاس دی حمایت کیتی ہے۔
