اسلام آباد ۔ 14 نومبر (اے پی پی) پاکستان سمیت ساری دنیا اچ 13توں 19نومبر تئیں اینٹی بائیو ٹک مزاحمت دا ہفتہ منایا ویندا پے ۔اے ہفتہ سال 2015توں ساری دنیا اچ منیندا ویندا ہے ۔ایندا مقصد بلا ضرورت اینٹی بائیو ٹک دا ستعمال تے ایندے نتیجے اچ پیدا تھیونڑ آلی اینٹی بائیو ٹک مزاحمت دے حوالے نال آگاہی پیدا کرنڑاں ہے ۔اپنڑے ہک بیان اچ وفاقی وزیر قومی صحت سائرہ افضل تارڑ آکھیا جو اساکوں اینٹی بائیو ٹک مزاحمت دا مقابلہ کرنڑ سانگے بلا ضرورت اینٹی بائیو ٹک دے استعمال کوں روکنڑاں ہوسی ۔انہاں آکھیا جوانہاں دی وزارت ایں حوالے نال سارے شراکت داراں دے مشورے نال قومی اےکشن پلان اےنٹی بائےوٹےک مزاحمت تشکےل ڈتا ہے جیں دے تحت صحت دے عملے دی تربےت اتے آگاہی دا کم جاری ہے۔ قومی ادارہ صحت اسلام آباد اتے قومی ادارہ زرعی تحقےق انسانی اتے حےوانی صحت دے حوالے نال اےنٹی بائےوٹےک مزاحمت سانگے فوکل پوائنٹ قرار ڈتے گے ہن ۔ انہاں اداریں کوں ایں حوالے نال عالمی ادارہ صحت دی تکنیکی مدد حاصل ہے ۔
