اسلام آباد ۔ 15 نومبر (اے پی پی) وزیر دفاع انجینئر خرم دستگیر خان آکھیا جو سول تے عسکری قیادت ہک صفحے تے ہن ،قومی سلامتی دے مسئلے تے حکمت عملی اجتماعی طور بنڑائی ویندی اے۔بدھ کوں ہک نجی ٹی وی چینل نال گالھ مہاڑ کریندیں ہوئیں انہاں آکھیا جو امریکی صدر دے بیان دے بعد فوری طور قومی سلامتی دا اجلاس تھیا اتے اتفاق رائے نال ہک سنھیا جاری کیتا گئیا۔انہاں آکھیا جو اساڈی سول تے عسکری قیادت امریکی سیکرٹری خارجہ نال ون آن ملاقات کیتی اتے آپنڑاں نقطہ نظر پیش کیتا۔ہک سوال دے جواب اچ انہاں آکھیا جو ملکی سیاسی استحکام مستحکم معیشت نال جڑیا ہوئیا اے۔
