سپیکر قومی اسمبلی ولوںمسلم لیگ (ن) تے ایندیاں اتحادی جماعتاں دے ارکاناں سانگے کہیں ظہرانے دا اہتمام کائنی کیتا گیا ،ترجمان

اسلام آباد ۔ 21 نومبر (اے پی پی) قومی اسمبلی دے ترجمان کجھ ٹی وی چینل تے سپیکر قومی اسمبلی سردار ایاز صادق دے حوالے نال نشر تھیونڑ آلی خبر کوں بے بنیاد تے من گھڑت قرار ڈیندے ہوئیں ایں دی تردید کیتی ہے جیں اچ آکھیا گیا ہے جو سپیکر ولوں قومی اسمبلی دے اجل دے اجلاس اچ مسلم لیگ ن تے ایندیاں اتحادی جماعتاں دے ارکان دی شرکت کوں یقینی بنڑاونڑ سانگے ظہرا نہ ڈتا ویندا پے ۔منگل کوں اتھاں جاری بیان دے مطابق سپیکر قومی اسمبلی ولوں ایجھے کہیں ظہرانے دا اہتمام کائنی کیتا گیا نہ ہی سپیکر ایندے اچ شرکت کریسن ۔اے ظہرانہ وزیر اعظم پاکستان شاہد خاقان عباسی ولوں ڈتا ویندا پے سپیکر قومی اسمبلی اتے قومی اسمبلی سیکرٹریٹ دا کو ئی تعلق کائنی۔ ترجمان مزید آکھیا جو سپیکر قومی اسمبلی کو اںجلاس اچ ارکان دی شرکت یقینی بنڑاونڑ سانگے کہیں پاسوں کوئی ہدایت کائنی ڈتی گی تے نہ ہی او کہیں سیاسی جماعت دی حاضری کوں یقینی بنڑاونر سانگے کوئی کردار ادا کریندے پن ،اے کم حکومت تے سیاسی جماعتاں دی قیادت دا ہے ۔ترجمان ٹی وی چینل تے نشر تھیونڑ آلیاں خبراں کوں بے بنیاد تے من گھڑت قرار ڈتا ہے ۔