سینیٹ انتخابات (ترمیمی) بل 2017ءدی منظوری ڈے ڈتی

انتخابات ترمیمی بل 2017توںلاہوری گروپ، قادیانی گروپ دا غیر مسلم درجہ آئین پاکستان دے تحت برقرار رہسی یعنی او غیر مسلم ہن، ترمیمی بل دیاں ساریاں سیاسی جماعتاں متفقہ طورتے حمایت کیتی ہے تے ختم نبوت دے حوالے نال حلف نامے دے قانون کوں اصل شکل اچ بحال کرڈتاگیا ہے۔ اردو تے انگریزی زبان ڈوہیں اچ حلف نامے شامل کیتے گے ہن، وفاقی وزیر قانون زاہد حامد
اسلام آباد ۔ 17 نومبر (اے پی پی) سینیٹ انتخابات (ترمیمی) بل 2017دی منظوری ڈتے ڈتی ۔ جمعے کوں ایوان بالا دے اجلاس اچ وفاقی وزیر قانون زاہد حامد تحریک پیش کیتی جو انتخابات (ترمیمی) بل 2017ءقومی اسمبلی توں منظور کردہ صورت اچ زیر غور لاتاونجے ۔ ایوان تحریک دی منظوری ڈے ڈتی جیں دے بعد وزیر قانون بل شق وار منظوری سانگے ایوان اچ پیش کیتا ۔وزیر قانون زاہد حامد آکھیا جو انتخابات ترمیمی بل 2017توں لاہوری گروپ، قادیانی گروپ دا غیر مسلم درجہ آئین پاکستان دے تحت برقرار رہ ویسی یعنی او غیر مسلم ہن، ترمیمی بل دیاں ساریاں سیاسی جماعتاں متفقہ طور تے حمایت کیتی ہے تے ختم نبوت دے حوالے نال حلف نامے دے قانون کوں اصل شکل اچ بحال کرڈتا گیا ہے۔ اردو اور انگریزی زبان ڈوہیں اچ حلف نامے شامل کیتے گے ہن ۔بل کوں شفاف طریقے نال پیش کیتا گیا ہے ایندی اچ کوئی بد نیتی شامل کائنی ۔ڈپٹی چیئرمین سینیٹر مولانا عبدالغفور حیدری اے بل پاس کرنڑ تے سارے ارکان پارلیمنٹ کو ںمبارخ ڈتی ۔ جماعت اسلامی دے سربراہ سینیٹر سراج الحق قوم اتے ارکان کوں بل دی منظوری تے مبارخ ڈتی ۔ سینیٹر اعتزاز احسن آکھیا جو 2014اچ وی آکھیا ہئی جو پارلیمنٹ دا گھیراﺅ غلط ہے تے کوئی دی زبردستی حکومت کوں کم کرنڑ توں روک نی سگدا۔ اساں سارے مسلمان ہوں تے ختم نبوت تے پورا یقین ہے ۔پچھلے کئی ڈینہاں توں فیض آباد تے ہک دھرنا تھیندا پے جیرھا جو ہک غلط روایت ہے ۔ قائد ایوان راجہ ظفر الحق آکھیا جو اے بل جیں مقصد سانگے پیش کیتا گیا ہے ایندے تے عمل در آمد کیتا ویسی قانون اچ تبدیلی کیتی ونج سگدی ہے ،لیکن غلط استعمال دے ڈر پاروں قانون سازی نہ کرنڑاں درست کائنی ،قانون دا غلط استعمال کرنڑ آلیں دے خلاف وی قانونی کاروائی کیتی ونج سگدی ہے ایں قانون سازی تے چیئرمین سینیٹ، قائد حزب اختلاف سمیت سارے ارکان پارلیمنٹ کو ںمبارکباد پیش کرینداں۔ بعد اچ ایوان بل دی منظوری ڈے ڈتی ۔