اسلام آباد ۔ 9 نومبر (اے پی پی) وزیر مملکت اطلاعات تے نشریات مریم اورنگزیب آکھیا ہے جو شاعر مشرق کوں خرج عقیدت پیش کرنڑ دا ساریں توں بہترین طریقہ انہاں دے افکا ر تے عمل کرنڑاں ہے ،علامہ اقبال اپنڑی ساری زندگی مسلماناں کوں جگاونڑ تے انہاں اچ احساس دی ذمے واری پیدا کرنڑ سانگے وقف رکھی ،اساکوں روح فکر اقبال دی روشنی اچ اپنڑے اج تے کل دی تعمیر کرنڑیں ہوسی ۔ یوم اقبال دے موقع تے اپنڑے پیغام اچ مریم اورنگزیب آکھیا جونوجوان نسل سانگے اقبال دا پیغام روشن رستے اتے فکری تربیت دابہترین ذریعہ ہے۔ انہاں آکھیا جو نوجوان اقبال دا شاہین بنڑ تے سوچ تے ترقی دے معراج پاونڑ دی جستجو کرن ۔وزیر مملکت اطلاعات و نشریات آکھیا جو پاکستان مسلم لیگ (ن) دی حکومت قائداعظم اتے علامہ اقبال دے تصور پاکستان کوں تعبیر ڈیونڑ دے ایجنڈے تے کار بند ہے ۔
