اسلام آباد ۔ 07 نومبر (اے پی پی) شاعرِ مشرق علامہ اقبال دے فکرتے فلسفہ تے نظریہ پاکستان کونسل دے تحت 9نومبرکو ں سویرے 10وجے ایوانِ قائد فاطمہ جناح پارک اچ منعقدہ خصوصی تقریب تھیسی جیں دی صداررت وزیر اعظم دے مشیر قومی تاریخ تے ادبی ورثہ عرفان صدیقی کریسن۔ ہفتہ تقریباتِ اقبال دے سلسلے اچ منعقدہ ایں نشست اچ معروف اقبال شناس دانشور پروفیسر فتح محمدملک ، ڈاکٹرطالب حسین سیال اتے پروفیسر ڈاکٹر ایوب صابر”تعمیر پاکستان، فکر اقبال دی روشنی اچ “دے فکر انگیز موضوع تے خصوصی گالھ مہاڑ کریسن ۔نظریہ پاکستان کونسل دے تحت علامہ اقبال دی زندگی دے مختلف دور تے مشتمل نادر تصویراں دی نمائش 15نومبر تئیں جاری رہسی ۔
