عمران خان دی عینگ نال صرف ستیا ناس تے بیڑہ غرق ڈکھائی ڈیندا ہے ،ورلڈ بنک پاکستان دی شرح ترقی 10سالاں اچ ساریں توں ودھ قرار ڈتی ہے ،وفاقی وزیر احسن اقبال دا بیان

اسلام آباد ۔ 10 نومبر (اے پی پی) وفاقی وزیر داخلہ احسن اقبال آکھیا ہے جو عمران خان دی عینک نال صرف ستیا ناس تے بیڑہ غر ق ڈکھائی ڈیندا ہے ،ورلڈ بنک پاکستان دی شرح ترقی 10سالاں اچ ساریں توں ودھ قرار ڈتی ہے ۔جمعے کوں اتھاں جاری بیان دے مطابق وفاقی وزیر داخلہ احسن اقبال آکھیا جو دنیا پاکستان کوں ابھردی ہوئی معیشت قرار ڈیندی پئی ہے تے عمران خان اینکوں بڈدی معیشت قرار ڈیندے پن وزیر داخلہ آکھیا جو پاکستان بہتر تھینداپے جیں دا عمران خان کوں ڈکھ کھادی ویندے ،عمران خان کوں ہنڑ اچ بالغ تھی ونجنڑاں چاہیدے ۔انہاں آکھیا جو وقت توں پہلے انتخابات دے مطالبے دا مطلب خیبر پختونخوا کوں قومی اسمبلی دی 5 تے بلوچستان کوں 3 نشستاں توں محروم کرنڑاں ہے۔ احسن اقبال آکھیا جوانتخابات نویں مردم شماری تے مقررہ وقت تے ہی تھی سگدے ہن ۔وزیر داخلہ آکھیا جو دہشت گردی دے خلاف جنگ جتنڑ سانگے اساکوں ہک مٹھ تھیونڑ دی ضرورت ہے ۔