فیصل آباد۔29 نومبر(اے پی پی ) فیصل آبادتوں ملتان موٹر وے ایم فوردے منصوبہ تے شور کوٹ کینٹ تئیں کم مئی 2018ءتئیں مکمل کرتے ایکوں جون توں پہلے ٹریفک کیتے کھول ڈتا ویسی۔ این ایچ اے ذرائع ولوں ڈسایا گئے جو موٹر وے ایم فوردافیصل آبادتوں گوجرہ تئیں فیز ٹریفک کےلئے کھلا ہے جڈاں جو گوجرہ توں شور کوٹ تئیں فیز ٹوکونں تیزی نال مکمل کیتا ویندا پئے۔جتھاں چینی انجینئرز سودھے پاکستانی ماہرین ڈینہہ رات کم اچ رجھے ہوئین۔ انہاں ڈسایا جو بجلی دیاں لائناں دی کراسنگ اتے سڑک بنڑاونڑ دا ودھ کم مکمل کرگھدا گئے جڈان جو کجھ تعمیری اتے ترقیاتی کم باقی رہ گئے۔ایں توں علاوہ پلاں اتے انٹرچینج دی تعمیروی جاری اے جیکون تیکھے مکمل کرگھدا ویسی۔انہاں ڈسایا جو تعمیراتی کم کرنڑ آلی کمپنی اے منصوبہ معاہدہ دے تحت دسمبر 2018ءتئین مکمل کرنڑا ہئی بھل حکومتی ہدایات تے ہنڑ اے منصوبہ مئی 2018ءاچ مکمل کرنر کیتے اقدامات کیتے ویندے پین اتے کم بیا تیز کرڈتا گئے۔انہاں امید کیتی جو موٹروے دی تعمیر مکمل کرتے ایکوں مئی اچ حکومت پاکستان کون ڈے ڈتا ویسی اتے جون 2018ءتوں پہلے افتتاح کرتے ٹریفک کیتے کھولیا ویسی۔
