اسلام آباد ۔ 11 نومبر (اے پی پی) گورنر سندھ محمد زبیر آکھیا ہے جو پاکستان مسلم لیگ ن دی حکومت کراچی اچ امن سانگے پکے اقدامات کیتے ہن ،جیں دی بدولت اج دا کراچی 2013دے کراچی توں ودھ سارا بہتر تے پر امن ہے ۔ہفتے کوں ہک نجی ٹی وی چینل نال گالھ مہاڑ کریندے ہوئیں انہاں آکھیا جو کراچی جیہوجے دے وڈے شہراں اچ اپریشن توں پہلے حکومت سارے سٹیک ہولڈر کوں آن بورڈ گھدا تے رینجرز کوں سپیشل اختیارات ڈتے گے ہن تاں جو اتھاں امن دی صورت حال کوں بہتر تے یقینی بنڑایا ونجے ۔
