اسلام آباد ۔ 07 نومبر (اے پی پی) وفاقی وزیر موسمیاتی تبدیلی سینیٹرمشاہداللہ خان آکھیا ہے جو مسلم لیگ (ن) دے حوصلے اچے ہن حالی تئیں نواز شریف تے لیگی کارکناں سمیت کہیں کوں اے سمجھ نی آندی پئی جو انہاں کوں کیرھے گناہ دی سزا ڈتی ویندی پئی ہے ،۔منگل کوں احتساب عدالت دے باہروں میڈیا نال گالھ مہاڑ کریندے ہوئیں انھاں آکھیا جو اے کرپشن کیس کائنی تے ایندا ثبوت سپریم کورٹ نواز شریف کوں کرپشن دی بجائے اقامہ تے سزا ڈتی ہے ،اتھوں انہاں کوں کلین شیٹ وی مل گی ہے ۔مشاہداللہ آکھیا جو اساڈی نظر اچ نواز شریف جیرھا گناہ کیتے ہن او اے ہن جو نواز شریف پاکستان دا وقار اچا کیتا ،پاکستان کوں اندھاریں توں مٹایا ،دہشت گردی کوں مکایا ،سڑکاں بنڑایاں ،ائیر پورٹ بنڑائے ،سٹاک ایکسچینج ،جی ڈی پی اتے سارے اکنامک اشاریے مثبت ہن دنیا اینکوں منیندی ہے ۔
