اسلام آباد ۔ 08 نومبر (اے پی پی) وفاقی وزیر تعلیم اتے پیشہ وارانہ تربیت انجینئر محمد بلیغ الرحمن آکھیا ہے جو کہیں وی معاشرے سانگے تحقیق بہوں ضروری ہے ۔انہاں آکھیا جو معاشرے دی ترقی اچ سماجی تے سائنس تے انسانیات بہوں اہم کردار ادا کریندیاں ہن ۔وفاقی وزیر ایچ ای سی اچ سماجی سائنسز پر تھیمیٹک تحقیق تے تریجھے قومی سمپوزیم دی افتتاحی تقریب اچ خطاب کریندے پے ہن ۔انہاںآکھیا جو کوئی وی معاشرہ اقدار دے دوام تے کردار سازی دے بغیر ترقی نی کر سگدا ایں سانگے ضروری ہے جو سماجی سائنسز اتے انسانیات تے توجہ مرکوز کیتی ونجے ۔وفاقی وزیر توجہ ڈیوائی جو نویں حقو ق تے معروضا ت دے تعین اچ تحقیق اہم کردا رادا کریندیاں ہن ۔انہاں مزید آکھیا جو جدید رحجانات تے تکنیکی تحقیق ولوں ودھنڑ دی ضرورت ہے ۔
