اسلام آباد ۔ 06 نومبر (اے پی پی)وفاقی وزیر موسمیاتی تبدیلی سینیٹر مشاہد اﷲ خان آکھیا ہے جو موسمیاتی تبدیلی نال پیدا تھیونڑ آلے خطرے نال نبڑنڑ سانگے میڈیا د ا کر دار بہوںاہم ہے ۔انہاں خیالاں داا ظہار انہاں ریڈیو پروگرام ” رابطہ “ دے پرو ڈیوسر انعام سومرو نال گالھ مہاڑ کریندے ہوئیں کیتا جنہاںسنوار کوں انہاںنال ملاقات کیتی ۔ایںموقع تے وفاقی وزیر موسمیاتی تبدیلی مشاہد اﷲ خان انعام سومرو کوں وزارت موسمیاتی تبدیلی دی سانجھ نال موسمیاتی تبدیلی تے ریڈیو پروگرام کرنڑ تے شیلڈ نال نوازیا ۔ انہاں آکھیا جو میڈیا کو ںریاست دا چوتھا ستو ن تصور کیتا ہے تے موسمیاتی تبدیلی نال پیدا تھیونڑ آلے خطرے نال نبڑنڑ سانگے ایندا کردار کلیدی ہے ۔انہاں آکھیا جو میڈیا تلویں سطح تے عوام اچ آگاہی پیدا کر سگدا ہے ۔پاکستان ہک ایجھا ملک ہے جتھاں ودھ ساری آبادی تئیں میڈیا دی رسائی ہے تے پرے پرے دے علاقیں اچ ریڈیو سنڑنڑ آلے موجود ہن ۔
