اسلام آباد ۔ 07 نومبر (اے پی پی) وفاقی وزیر تجارت محمد پرویز ملک آکھیا ہے جو حکومت نجی شعبے دی مشاورت نال نویاں تجارتی پالیسیاں بنڑاونڑ دی کوشش کریسی تاں جو سانجھی کوشش نال پاکستان دی تجارت تے بر آمدات کوں بہتر طور تے ودھارا ڈتا ونجے ۔انہاں آکھیا جو ایں مقصد سانگے نجی شعبے دےنال ہک جامع ڈائیلاگ دا عمل شروع کیتا ویسی ۔انہاں خیالا ں دا اظہار انہاں اسلام آباد چیمبر آف کامرس اینڈ انڈسٹری دے ہک وفد نال گالھ مہاڑ کریندے ہوئیں کیتا جیں چیمبر دے صدر شیخ عامر وحید دی قیاد ت اچ انہاں نال ملاقات کیتی ۔
