اسلام آباد ۔ 03نومبر (اے پی پی) وزیر مملکت کیڈ طارق فضل چوہدری آکھیا ہے جو مسلم لیگ ن دے صدر تے سابق وزیراعظم نواز شریف احتساب عدالت اچ پیشی دے بعد لاہو ر ویسن جتھاں او سیاسی رہنماواں نال ملاقات کریسن تے مشورے کریسن ۔جمعے کوں احتساب عدالت دے باہروں میڈیا نال گالھ مہاڑ کریندے ہوئیں ڈاکٹر طارق فضل چوہدری آکھیا جو عدالت ترائے ریفرنس کوں کٹھا کرنڑ دا فیصلہ ڈتا ایندے مطابق اے کٹھے تھی ویسن ۔بیگم کلثوم نواز دی بیماری اتے نواز شریف دی لندن واپسی دے حوالے نال سوال تے وزیر مملکت آکھیا جو اساکوں امید ہے جو بیگم کلثوم نواز دی صحت بارے چنگی خبر آسی ۔انہاں دی طبیعت چنگی تھیندی پئی ہے اگر ضرورت پئی تاں نوا زشریف لندن ویسن ۔
