اسلام آباد ۔ 03 نومبر (اے پی پی) وفاقی وزیر ریلوے خواجہ سعد رفیق آکھیا ہے جو نواز شریف نا انصافی دے نظام دا سامنڑ اں کریندے پن ،انہاں کوں ملک توں لوڈ شیڈنگ دے ختم کرنڑ دی سزا ڈتی ویندی پئی ہے ۔جمعے کوں احتساب عدالت دے باہروں میڈیا نال گالھ مہاڑ کریندے ہوئیں خواجہ سعد رفیق آکھیا جو ایں نظام کو ں ہی نا انصافی اکھینداں ،بیگم کلثوم نواز دی بیمار ی دا خیال نی کیتا گیا ۔نواز شریف کوں ذال دی بیمار ی پاروں ولا ولا لندن ونجنڑاں پوندے ،اے انہاں دے نال سخت زیادتی ہے ۔انہاں آکھیا جو نواز شریف سانگے اے نویں گالھ کائنی انہاں کوں عدالتاں توں پہلے وی نا اہل کیتا گیا قید دی سزا ڈتی گی تے کوڑے مقدمے بنڑائے گے لین اے سب کجھ دے با وجود نواز شریف پاکستان دی جمہوریت نال عشق کریندے ہن ۔
