نواز شریف کوں مائنس کرنڑ دیاں گالھیں کرنڑ آلے خود مائنس تھی گے ، سینیٹرآصف کرمانی

اسلام آباد ۔ 22 نومبر (اے پی پی) پاکستان مسلم لیگ (ن )دے رہنما سینیٹر ڈاکٹرآصف کرمانی آکھیا جو عوام دی منتخب پارلیمنٹ ہک واری ولا نواز شریف تے اعتماد دا اظہار کیتا ۔نواز شریف کوں مائنس کرنڑ آلے خود مائنس تھی گن ۔بدھ کوں احتساب عدالت دے باہروں میڈیا نال گالھ مہاڑ کریندے ہوئیں انہاں آکھیا جو جیرھے لوکاں رستے روک رکھیے ہن حکومت دے انہاں نال مذاکرات جاری ہن تے اے معاملہ وختی حل تھی ویسی ۔انہاں توں سوال کیتا گیا جو قومی اسمبلی ہک واری ولا سابق وزیراعظم کوں اعتماد دا ووٹ ملیا ایندے تے تساں کیا آکھدو جیں تے انہاں آکھیا جو کل عوام دی منتخب پارلیمنٹ جیرھی جو 20کروڑ عوام دی نمائندہ ہے ،انہاں کل نواز شریف ہک واری ولا اعتماد دا اظہار کیتا ہے تے نواز شریف کوں مائنس کرنڑ دیاں گالھیں کرنڑ آلے خود مائنس تھی گن ۔