اسلام آباد ۔ 20 نومبر (اے پی پی) چیف آف دی نیول سٹاف ایڈمرل ظفر محمود عباسی ’ شمالی بحیرہ عرب اچ پاک بحریہ دے جنگی یونٹس دی آپریشنل صلاحیتاں دا مظاہرہ ڈٹھا۔سنوار کوں جاری پریس ریلیز دے مطابق پاک بحریہ دی قیادت سنبھالنڑ دے بعد نیول چیف دا کھلے سمندر اچ تعینات نیول فلیٹ یونٹس دا پہلا دورہ ہئی ۔ کمانڈر پاکستان فلیٹ ریئر ایڈمرل محمد امجد خان نیازی وی ایں موقع تے انہاں دے رلے ہن ۔حربی صلاحیتاں دے ایں شاندار مظاہرے اچ پاک بحریہ دے بحری اتے فضائی یونٹس حصہ گھدا۔ ایڈمرل ظفر محمود عباسی ایں موقع تے پاک بحریہ دے جہازاں تے تعینات افسراں اتے نینگراں نال ملاقات کیتی اتے مادرِ وطن دے دفاع سانگے انہاں دے عزم تے حوصلہ دی تعریف کیتی۔انہاں آکھیا جو سی پیک دے تناظر اچ پاک بحریہ دی ودھدی ہوئی ذمہ واریاں ،سمندی رستیاں کوں محفوظ بنڑونڑ دا عزم کیتا۔انہاں پاک بحریہ دے ایں عزم دا وی اعادہ کیتا جو او ہر قیمت تے ملک دی بحری سرحداں تے فائدے دے تحفظ کوں یقینی بنڑیسی۔
