اسلام آباد ۔ 24 نومبر (اے پی پی) چیئرمین سینیٹ میاں رضا ربانی آکھیا ہے جو وزارت داخلہ ہر چھی مہینے بعد ایف آئی دی کاکر دگی متعلق رپورٹ ایوان اچ پیش کرے۔ جمعے کوںایوان بالا دے اجلاس اچ الیکٹرانک کرائم بل 2016دے سیکشن 53 دے حوالے نال رولنگ ڈیندے ہوئیں انہاں آکھیا جو وزارت داخلہ ہر چھی مہینے بعد ایں حوالے نال وفاقی تحقیقاتی ایجنسی (ایف آئی اے) دی کارکردگی متعلق رپورٹ پیش کرے۔ انہاں آکھیا جو پارلیمنٹ اچ اے رپورٹ پیش تھیونڑ دے بعد ایندے توں متعلقہ کمیٹی دے ان کیمرہ اجلاس اچ بھیجا ونجے ۔ چیئرمین سینیٹ یف آئی اے دی اجوکی چھی مہینے دی رپورٹ کوں غیر تسلی بخش قرار ڈتا ۔
