وزیراعظم شاہد خاقان عباسی دا بلوچستان دے سارے علاقیاں کوں ترقیاتی لحاظ نال ملک دے بئے علاقیاں دے برابر گھن آونڑ سانگے 10سالہ ”ایکولائزیشن پیکیج“ دا اعلان

صوبے اچ یونین کونسل دی سطح تے ،تعلیم ،صحت ،گیس ،پیونڑ دے صاف پانڑی سمیت مختلف شعبیاں تے مشتمل ترقیاتی پیکیج بنڑایا ویندا پئے جئیں تے ایں سال عملدرآمد شروع تھی ویسی،منتخب جمہوری حکومت دی 5سالہ مدت جون اچ پوری تھیسی جئیں دے بعد مقررہ مدت اچ عام انتخابات تھیسن،آئین دے مطابق حکمرانی تھیندی اے،آئین اتے قنون دی بالادستی تھیونڑ چاہیدی اے،وزیراعظم شاہد خاقان عباسی دی میڈیا نال گالھ مہاڑ
کوئٹہ ۔ 14 نومبر (اے پی پی) وزیراعظم شاہد خاقان عباسی دا بلوچستان دے سارے علاقیاں کوں ترقیاتی لحاظ نال ملک دے بئے علاقیاں دے برابر گھن آونڑ سانگے 10سالہ ”ایکولائزیشن پیکیج“ دا اعلان کریندیں ہوئیں آکھیا جو صوبے اچ یونین کونسل دی سطح تے ،تعلیم ،صحت ،گیس ،پیونڑ دے صاف پانڑی سمیت مختلف شعبیاں تے مشتمل ترقیاتی پیکیج بنڑایا ویندا پئے جئیں تے ایں سال عملدرآمد شروع تھی ویسی،منتخب جمہوری حکومت دی 5سالہ مدت جون اچ پوری تھیسی جئیں دے بعد مقررہ مدت اچ عام انتخابات تھیسن،آئین دے مطابق حکمرانی تھیندی اے،آئین اتے قنون دی بالادستی تھیونڑ چاہیدی اے۔او منگل کوں گورنر ہاﺅس اچ بلوچستان اچ ترقیاتی منصوبیاں اتے امن و اماں دی صورتحال بارے اعلیٰ سطح دے اجلاساں دی صدارت دے بعد میڈیا نال گالھ مہاڑ کریندیں ہوئیں آکھی۔ گورنر بلوچستان محمد خان اچکزئی، وزیراعلیٰ بلوچستان نواب ثناءاللہ زہری وی ایں موقع تے موجود ہن ۔