وزیراعظم شاہد خاقان عباسی دا عراق اتے ایران اچ تباہ کن زلزلہ نال جانی تے مالی نقصان تے ڈونگھے افسوس دا اظہار

خیماں، کمبلاں اتے ڈوجھے ہنگامی شیئیاں سمیت امداد فوری طور تے ایران بھجواونڑ دی ہدایت
اسلام آباد ۔ 13 نومبر (اے پی پی) وزیراعظم شاہد خاقان عباسی نے عراق اتے ایران وچال سرحدی علاقیاں اچ تباہ کن زلزلہ تھیونڑ تے جانی تے مالی نقصان تے ڈونگھے افسوس دااظہار کیتا اے۔ وزیراعظم آفس ولوں سنوار کو ںجاری بیان موجب پاکستان دی حکومت اتے عوام ڈکھ دی ایں گھڑی اچ ایران اتے عراق دی حکومت اتے عوام دے نال مکمل یکجہتی دا اظہار کریندن۔ وزیراعظم نے خیماں، کمبلاں اتے ڈوجھے ہنگامی شیئاں سمیت مدد فوری طور تے ایران بھجواونڑ دی ہدایت وی کیتی اے۔ وزیراعظم نے دعا کیتی جو اﷲ تعالیٰ مرحومین کو ں آپدی رحمت اچ جاءڈیوے تے زخمیاں کوں جلدی صحت یاب کرے۔