کراچی ۔ 20 نومبر (اے پی پی) وزیر اعظم شاہد خاقان عباسی آکھیا ہے جوپاکستان ترقی کریندا پے ، معیشت فعال تے پائیدار بنیاد تے استوار ہے صنعت دا پھیتا چلد ا پے ،توانائی دے شعبے اچ درپیش چیلنج تے قابو پاتا ،اساڈی حکومت خوش قسمت ہے جو او جیں منصوبے دا منڈھ بدھیا اینکوں پورا وی کیتا ۔مستقبل اچ ایل این جی ٹرمینل اچ سرمایہ کاری دے ودھ سارے موقع ہن ،آندے ترائے سال اچ ایل این جی دی طلب اچ 30ملین ٹن توں تجاوز کر ویسی ،مختلف حلقیں ولوں تنقید تے اعتراض دے باوجود اے حقیقت ہے جو ایل این جی توانائی دا سستا ذریعہ ہے ۔اوسنوار کوں اتھاں پورٹ قاسم تے ایل این جی گیس ٹرمینل دیافتتاحی تقریب توں خطاب کریندے پے ہن ۔ایں موقع تے گورنر سندھ محمد زبیر، وزرائے مملکت جام کمال خان، چوہدری جعفر اقبال دے علاوہ وڈی تعداد اچ سرمایہ کاراں تے بیاںاہم شخصیات شرکت کیتی ۔وزیر شاہد خاقان عباسی آکھیا جو پاکستان ترقی کریندا پے صنعت دا پھیتا چلدا پے ۔انہاں آکھیا جو جڈاں 2013اچ اساں حکومت سانبھی تاں توانائی سمیت مختلف چیلنجز در پیش ہن بجلی دی گھٹکی پاروں۔صنعت تے گھریلو صارفین بہوں متاثر تھے ہن ۔گیس دی گھٹکی دی وجہ توں کھاد دے کارخانے تے گھریلو صارفین کوں گھٹکی دا سامنڑاں ہئی ،حکومت توانائی دے گھٹکی تے قابو پاونڑ سانگے منصوبہ بندی کیتی ۔توانائی ماہرین دلوں ڈسایا گیا جو ایل این جی گیس کوں نظام اچ رلاونڑ سانگے 7سال لگ ویسن ،اساڈی حکومت آونڑ تے گھریلو تے صنعتی سیکٹر اچ گیس دا ودھ سارا بحران ہئی ۔وزیراعظم آکھیا جو بجلی دی گھٹکی وی وجہ توں صارفین بہوں متاثر تھیندے پن ۔توانائی دی گھٹکی کوں مکاونڑ سانگے گیس کوں نظام اچ شامل کرنڑ دی منصوبہ بندی کیتی اج صورت حال مختلف ہے ۔ وزارت پٹرولیم اچ ایں گالھ دا ادراک کیتا گیا جو اگر سسٹم اچ مزید گیس شامل نہ کریسوں تاں توانائی دے بحران دا خاتمہ ممکن کائناںہ وسی ایں دا ادراک کریندے ہوئیں اساں مزید گیس سسٹم اچ رلائی ،صنعتی سیکٹر کوں بغیر تعطل دے گیس دی فراہمی کیتی ویندی پئی ہے ،وختی گیس اچ سر پلس تھی ویسوں ۔گیس دے بجلی دے مزید پلانٹ آندے پن ۔ گیس پلانٹس، سی این جی اتے صنعتی ضرورتاں دی وجہ توں گیس دی طلب ہک بلین کیوبک فٹ (بی سی ایف) ہے ۔ وزیراعظم آکھیا جو پاکستان گیس دے حوالے نال ہک وڈی مارکیٹ ہے ۔ایں اچ ایل این جی دا ہک سستا ذریعہ ہے ۔انہاں آکھیا جو حکومت توانائی چیلنج تے اقدامات کریندے پیوں ۔ وزیراعظم آکھیا جوپاکستان گیس پورٹ کنسورشیم دے تعاون نال اے ٹرمینل قائم کیتا گیا جیں اچ چین، جاپان اتے یورپ دیاں کمپنیاں شامل ہن۔ وزیراعظم آکھیا جو اقبال زیڈ احمد جانفشانی نال ٹرمینل منصوبہ پورا کیتا ۔ توانائی دے شعبے اچ اقبال زیڈ داکیتا کم تعریف دے قابل ہے ۔
