وزیراعظم شاہد خاقان عباسی دی چینی معاون وزیر خارجہ کونگ چوان یو نال گالھ مہاڑ

پاکستان اتے چین ڈوہیں اقوام دی ترقی سانگے پرامن ہمسائیگی دا وژن رکھیندن، سی پیک تواناءبنیادی ڈھانچے دے منصوبہ جات خوش اسلوبی نال تے نظام الاوقات دے مطابق اگی تے ودھدے پن
اسلام آباد ۔ 21 نومبر (اے پی پی) وزیراعظم شاہد خاقان عباسی پاک چین تزویرانی تعاون کو ںمزید تقویت ڈیونڑ دے عزم دا اعادہ کریندے ہوئیں آکھیا ہے جو پاکستان اتے چین ڈوہیں اقوام دی ترقی سانگے پرامن ہمسائیگی دا وژن رکھیندے ہن۔ انہاںاے گالھ چینی معاون وزیر خارجہ کونگ چوان یو نال گالھ مہاڑ کریندے ہوئیں آکھی جنہاں منگل کوں اتھاں وزیراعظم آفس اچ وفد دے نال ملاقات کیتی ۔ او پاک چین سٹریٹیجک ڈائیلاگ دے اٹھویں دور سانگے پاکستان دے دورے تے ہن۔ وزیراعظم پاکستان اتے چین وچال اعلیٰ سطح تے رابطے سی پیک ، تجارت، سکیورٹی اتے خطے تے افغانستان اچ صورتحال سمیت سارے ڈو طرفہ امور بارے نیڑے تعاون تے اطمینان دا اظہار کریندے ہوئیں آکھیا جو سی پیک توانائی تے بنیادی ڈھانچے دے منصوبہ جات خوش اسلوبی نال تے نظام الاوقات دے مطابق اگی تے ودھدے پن ۔ چینی معاون وزیر خارجہ وزیراعظم لی دی اپنڑے پاکستان ہم منصب سانگے نیک تمناواں پجایاں ۔انہاں چین سانگے ایندے اہم ایشوز دی حمایت کوں سرہیندے ہوئیں 19 ویں سی پی سی کانگریس دی کامیابی تے چینی قیادت کوں انہاں دے مبارخ دے مراسلے تے شکریہ ادا کیتا ۔ وزیراعظم آکھیا جو چین پاکستان دا آہنی بھرا ہے۔ انہاں وزیراعظم لی دے پیغام تے شکریہ ادا کیتا۔ وزیراعظم انسانی ترقی اتے روزگار، تعلیم، صحت متعلق منصوبہ جات سمیت سی پیک دے سارے منصوبہ جات بارے اچ مزید تکھا تعاون تے زور ڈتا تاں جو سی پیک پیک دے فائدے عام آدمی تئیں پج سگن ۔