اسلام آباد ۔ 2 نومبر (اے پی پی) وزیراعظم شاہد خاقان عباسی کھیڈاں دی قومی فیڈریشنز سمیت کھیڈاں دے نظام دی بہتری تے احیا نو سانگے ٹاسک فورس دے قیام دی ہدایت کیتی ہے ۔انہاں اے ہدایت وفاقی وزیر بین الصوبائی رابطہ ریاض حسین پیرزادہ نال خمیس کوں اتھاں وزیراعظم آفس اچ ملاقات دے دوران جاری کیتیاں ۔ چیئرمین ہائر ایجوکیشن کمیشن ڈاکٹر مختار احمد بین الصوبائی رابطہ دے وفاقی سیکرٹری امجد علی خان اتے ڈائریکٹر جنرل سپورٹس محمد اختر نواز گنجیروی ملاقات اچ موجود ہن ۔ملاقات دے دوران پاکستان سپورٹس بورڈ تے سپورٹس یونیورسٹی متعلق امور زیر غور آئے ۔وزیر اعظم کھیڈاں دی قومی فیڈریشن سمیت کھیڈاں دے نظام دے احیا نو سانگے ٹاسک فورس دے قیام دی ہدایت کیتی ہے ۔اجلاس دے دوران وزیراعظم کوں ڈسایا گیا جو ہائر ایجوکیشن کمیشن ، پاکستان سپورٹس بورڈ اتے بین الصوبائی رابطہ دی وزارت دے سانجھے تعاون نال جدید ترین سپورٹس یونیورسٹی بنڑائی ویندی پئی ہے جیں دا افتتاح دسمبر دے ڈوجھے ہفتے اچ تھیسی
