وزیر خارجہ خواجہ محمد آصف دا ایوان بالا اچ امریکی وزیر خارجہ دے دورے تے بحث نبڑیندیں ہوئیں گالھ مہاڑ

اسلام آباد۔ یکم نومبر (اے پی پی) وزیر خارجہ خواجہ محمد آصف آکھیا جو ساری پالیسیاں پاکستان دی سالمےت ،خود مختاری اتے مفادارت کوں ڈیکھدیں ہوئیں بنڑائی ونجن۔باہرلی طاقتاں دے مفادارت دے تحت پالیسیاں کائنا بنڑسن۔امریکہ دے نال تعلقات دے ودھ خوشگوار تھیونڑ دی خوش فہمی اچ مبتلا کائنی۔امریکہ کوں ضروری سنھیا ڈتے گئے جو اساں آپنڑے مفادات کو ں100فیصد ترجیح ڈیسن۔باقی چیزاں دی اہمےت ثانوی ہوسی۔پاکستان کوں قصور وار آکھنڑ امریکی ناکامیاں تے پردہ پاونڑ دی کوشش اےبدھ کوں ایوان بالا اچ امریکی سیکریٹری آف سٹیٹ دے دورہ تے بحث نبڑیندیں ہوئیں وزیرخارجہ آکھیا جو امریکی سیکریٹری آف سٹیٹ دے اجوکے بیان اتے دورے بارے ایوان بالا اچ اہم بحث تھئی اے۔جئیں ارکان تجویزاں ڈتن انہاں دا شکرگزار آں۔